〒清明节〒

清明时节雨纷纷...

04/04/2009 （星期六）

今日系所谓o既【正清】，即是清明节o既正日。
所以我七早八早就要爬起身去【行清】。。。

虽然爸爸同妈咪已经离佐婚，但系我仲系姓陈o既，
应该尽一份子孙o既责任 - 行清。

由于哥哥请唔到假，所以今年只有
伯爷，堂哥，堂姐同我去...

第一个目的地就系去
【广东义山】拜祭 【太婆】

跟住再去到
【广福义山】 拜祭 **我记得唔系好清楚o既亲戚（惭愧中。。。）

往年应该系食佐o野先至继续，
不过难得今年系【正清】，但系唔晓好塞车，
所以我地决定先继续拜祭。

我地去到 【富贵山庄】墓地 拜祭 【爷爷同嫲嫲】
因为爷爷同嫲嫲算系我地比较亲o既，
所以我地会逗留耐d。

唔知点解，每次去到个度都会念起以前爷爷系度o既日子，
虽然 d 回忆好模糊，但系我知爷爷好锡 d 子孙。
爷爷好注重中国文化，爷爷o既文采同书法都好好。

我记得以前边个同爷爷同枱食饭都一定要用筷子、碗。
話説如此，记得妈咪讲过，爷爷o既 思想好开通，
绝对唔会重男轻女或者逼自己仔女全部一起同住。

可惜爷爷系我三岁o既时候已经唔响度，
真系希望可以有多d 同爷爷一起o既回忆。

之前听d亲戚讲过，爷爷有酒窝，我都有，
我响度念，算唔算隔代相传咧？

虽然以前我曾经代表学校参加书法比赛，
但系一旦同爷爷o既相比，简直就系有天渊之别。

人越大，就发现自己o既华语造诣并冇想象中咁好。
以前好多朋友或者亲戚知道我选择用华语进修【mass comm】
都表示唔赞成兼唔睇好，
但系我想讲o既就系，我唔会后悔我所选择o既，
因为我钟意华语。

**其实好想多谢妈咪，因为佢从来都唔会反对我地o既选择，
因为佢系english educated，所以佢好想我地学好华语。


（对唔住，好似离题好远添，系时候返来啦~）

拜完爷爷嫲嫲就开始落雨，
我地仲要去 【富贵山庄o既骨灰殿】拜祭 【大伯爷】，
大伯爷过身唔系好耐，今年亦都系我第一次去拜佢。
骨灰殿入边仲有冷气同凳坐，
所以我地就坐响个度避雨。

离开富贵山庄之后我地就去食o野，
我地去佐【康乐】o既【新明记】。
个度同样系咁多人，同样要等位。

最后一站就系到 【广义塔】拜祭 【富伯】

终于行完清啦~~~

我竟然从4点几训到到夜晚12点几~
起身睇到钟吓佐一下，
跟住开电脑上网，不过都系唔冇乜o野做，
所以两点几又再训过~~~

哈哈 XD 好多人都话我好训得，似猪，
我唔要做猪，
做牛好d。=)

****
广东、福建有分好多种，
记得之前响the voice上课，
洪秀琴老师问我系广东咩人，我真系唔知。
老师话而家好多人都唔知，我地应该要去问o既~

而家我知啦~~~

我系

~~~廣東 新會人~~~

哈哈 XD

唔经唔觉都写佐好多啦~

BYE...